Победен и Лестер, „четири од четири“ за Ливерпул, „дамка“ остави киксот на Бекер (видео)

Денес од 13:30 часот Ливерпул го одигра натпреварот од четвртото коло во англиската Премиер лига, против тимот на Лестер.

„Црвените“ на оваа средба успеаа да стигнат до победа од 1:2.

Ливерпул започна офанзивно и веќе во петата минута, Салах пропушти 100% шанса да постигне погодок. Салах не погоди, но погодокот стигна само пет минути подоцна кога прецизен беше Садио Мане.

Избраниците на Клоп продолжија со добрата игра, а нов погодок видовме во 40-та минута. Џејмс Милнер изведе корнер од десната страна, а осамен во петерецот остана Фирмино кој ја смести топката во мрежата на домаќините за предност од 0:2.

Во вториот дел Лестер започна да игра нешто подбро.

Иако Лестер играше добро, голот дојде после една катастрофална грешка на голманот Алисон Бекер, грешката на Бразилецот ја казни Чезал за конечни 1:2.