„Плачеше како мало дете кога дозна за Марадона, а две недели подоцна не напушти и тој“

Легендарниот фудбалер Паоло Роси почина минатата недела на 65 години.

Роси беше херој на репрезентацијата на Италија на Мундијалот во 1982 година кога „Аѕурите“ станаа светски шампиони. На тој турнир Роси играше фантастично и беше еден од најзаслужните што Италија ја освои титулата.

Поминаа седум дена откако тој почина, а неговата сопруга Федерика Каплети откри дека само две недели пред смртта Роси бил тешко погоден од смртта на Диего Марадона.

Марадона и Роси играа еден против друг во Серија А и добро се познаваа. Заминувањето на еден од најголемите на сите времиња Роси тешко го прифатил, само две недели подоцна почина и тој.

„Кога Паоло дозна дека Марадона починал плачеше како мало дете. Не можевме да го смириме, само две недели подоцна и тој нас не напушти“, изјави Федерика за италијанските медиуми.