Пике: Фудбалот им припаѓа на фановите

Дефанзивецот на Барселона, Жерард Пике позитивно реагираше на веста за одложувањето на Суперлигата.

Најпрво шестте англиски гиганти се отцепија од проектот, а потоа Суперлигата излезе со соопштение дека проектот се одложува.

Фудбалскиот свет буквално се подели за овој проект, а голем број на навивачи се свртеа дури и против своите клубови кои ја формираа Суперлигата.

„Фудбалот им припаѓа на фановите. Денес повеќе од секогаш“, напиша Пике на социјалните мрежи.

Создавањето на Суперлигата официјално беше формирано во неделата од 12 европски гиганти, но проектот функционираше само 48 часа.

Football belongs to the fans. Today more than ever.

— Gerard Piqué (@3gerardpique) April 20, 2021