Паднаа Казахстанките: Прва гостинска победа на Македонија во историјата!

Денес имаме убави вести од женската фудбалска репрезентација – фудбалерките ја забележаа првата гостинска победа во историјата!

Женската фудбалска репрезентација на Македонија денес победи против Казахстан со 0:3. Головите за нашата селекција ги постигнаа Рочи и Шемсовиќ. Рочи постигна два, Шемсовиќ еден. Наташа Андонова запиша две асистенции, додека Рочи и асистираше на Шемсовиќ.

Треба да се спомене дека за оваа генерација на фудбалерките предводени од Андонова е првпат во едни квалификации да завршиме со две победи и шест освоени бодови. Квалификациите ги завршуваме како претпоследни, зад нас е нашиот денешен противник Казахастан.

Фото: ФФМ