Од Реал грмат на судиите: Дали ВАР ги оштети?

Фудбалерите на Реал вчера ремизираа во натпреварот против Џирона одигрувајќи 1:1 на домашен терен.

Винисиус им донесе предност во 70. минута, а потоа во 80. минута беше досуден пенал за гостите, кој и по гледањето на видео снимките остана спорен. Кристијан Стуани беше највисок во скокот, ја удри топката со глава и таа го погоди Асенсио во пределот на раката.

Судијата Лопез не реагираше, а ВАР собата пресуди дека се работи за пенал. Стуани беше прецизен, и однесе голем бод на Џиронаја врати Барселона на минус од Реал во шампионската тpка.

По мечот, Марко Асенсио се огласи преку својот Твитер профил, каде го изрази своето незадоволство.

„Дефиницијата за она што не е играње со рака, како што ни беше објаснето на почетокот на сезоната. Неверојатно е ова што се случи денеска“, напиша Асенсио.

И Карло Анчелоти му даде поддршка на фудбалерот и ги критикуваше судиите.

„Не сакам да зборувам за судии, но денеска ќе зборувам. Тоа не е пенал, бидејќи тој не ја удира топката со рака.

Го прашав Асенсио за тоа, а тој рече дека не ја удрил топката со раката, туку со градите. Левата рака беше во посебна положба, но заедно со телото, не го правеше неговото тело поголемо.

Разбирам дека имало сомнеж дека ја удрил топката со рака, но тоа едноставно не се случи. Судиите денес измислија пенал“, истакна тренерот на „кралевите“.

Definición de NO MANO que nos explican a principio de temporada…
Increíble que hoy sí … pic.twitter.com/ZSWTnGcu0u

— Marco Asensio (@marcoasensio10) October 30, 2022