Од продавање вода на улиците во Лагос до трансфер од 70 милиони евра

Во овој преоден рок Виктор Осимен направи трансфер од Лил во редовите на италијански Наполи за сума од 70 милиони евра и на почетокот остава добар впечаток.

Сега во интервју за италијанските медиуми соиграчот на Елмас зборуваше за тешкото детство.

„Трансферот во Наполи за мене беше остварување на сонот. Неверојатно е се што ми се случи, ако некој пред три години ми кажепше дека ќе играм во еден од најпознатите европски клубови ќе му кажев е дека луд и не знае што зборува. Моето детство беше навистина тешко, мајка ми почина, а татко ми после само три месеци остана без работа. Морав да продавам вода на улиците во Лагос за да преживеам“.

Осимен прво се преселил во Волфсбург во 2015 година откако блесна на СП до 17 години, во Германија не се снајде па следуваше трансфер во Шарлоа од каде дојде во Лил.