Одлично засилување за Академија Пандев: Во Струмица пристигна Мартин Мирчевски!

Академија Пандев доведе квалитетно засилување во своите редови, со клубот од Струмица договор потпиша Мартин Мирчевски.

Мирчевски во изминатата тешка сезона за Вардар, веројатно беше најдобриот играч. Сега тој одлучи да ја прифати понудата и да се пресели кај Александар Васоски. Со Васоски Мирчевски соработуваше и претходно во Вардар.

Ќе потсетиме, Академија Пандев во минатата сезона играше финале во купот кое го изгуби од Силекс, а во последните кола се избори за опстанок.