Овој факт за Де Геа сигурно нема да му се допадне на Реал Мадрид

Во договорот на Давид де Геа со Манчестер Јунајтед нема откупна клаузула, потврдија денес англиските медиуми.

„Дејли Мејл“ денес ги демантираше шпанските медиуми кои ја распространија информацијата дека во договорот на Де Геа има откупна клаузула која изнесува 52 милиони фунти. Поводот за таквите шпекулации е силниот интерес на Реал Мадрид кон шпанскиот голаман.

Според англиските медиуми Манчестер Јунајтед за својот голман ќе бара 66 милиони фунти, но само доколку не се пласираат во Лигата на шампиони, па Де Геа самиот побара да биде продаден.

Во спротивно, Де Геа кој има договор со „црвените ѓаволи“ до 2019 година, сигурно ќе остане на „Олд Трафорд“.