Објавена листа од девет клубови кои сакале Манчестер Сити да биде исфрлен од ЛШ

Манчестер Сити пред неколку недели со одлука на Судот за спортска арбитража му беше укината двегодишната суспензија во УЕФА натпреварувањата.

УЕФА претходно донесе одлука да го исфрли Манчестер Сити на две години од своите натпреварувања поради кршењето на финансискиот фер плеј.

Денеска е објавена листата на клубови од ПЛ кои на почетокот на март побарале на Граѓаните да им остане суспензијата и да не играат европски натпревари.

Арсенал, Барнли, Челси, Лестер, Ливерпул, Манчестер Јунајтед. Њукасл, Тотенхем и Волвс се клубовите кои имале идентичен став, но на крајот нивното барање не успеа.

Со одлука на CAS, Сити е вратен во ЛШ, а наместо првичната казна од 30 милиони евра англискиот клуб сега е должен да плати 10 милиони евра.