Нов исказ во контраверзниот случај кој го одбележа досегашниот дел од ЕП: Хајневетер ги запознал арбитрите со правилата?!

Нема сомнеж дека синоќешниот меч помеѓу Словенија и Германија ќе остане запаметен по контраверзиите кои го одбележаа финишот на мечот.

Германија доби пенал во последните секунди од мечот, а Словенија остана без ракометар на паркетот, но и без важни два бода.

Но, она што осамна сега низ медиумите е исказот на голманот на Германија, Сивио Хајневетер, кој истакна дека ракометните правила на судиите им ги посочил токму тој, по што следеше прегледувањето на снимката и дискутабилната одлука.

„Знаев за тоа правило и веднаш откако Словенците го блокираа шутот на Друхов од центарот, им го реков тоа на судиите, а тие пресудија“, истакна Хајневетер.