Новинар му постави чудно прашање на Ѓоковиќ, Кирјос „скокна“ во негова одбрана

Со победата од 6:1 6:4 6:4 против Тејлор Фриц, Новак Ѓоковиќ се пласираше во полуфиналето на УС Опен.

По овој меч еден новинар му постави прашање за неговиот однос со тимот и тренерот Горан Иванишевиќ.

„Со секој голем тенисер е тешко да се работи. Јас не знам играч на ова ниво со кого е едноставно. Сериозно ја сфакам својата работа, исто како и што тренерите бараат многу од нас. Некогаш има искри, но тоа се е во жарот на нашата борба на теренот. Среќен сум што соработувам со овие луѓе, посебно на соработката во последните неколку години. Не може секогаш да биде убаво, но така и растеме“; изјави Ѓоковиќ.

На оваа тема во одбрана на Ѓоковиќ застана Ник Кирјос.

„Типично идиотско прашање. Ѓоковиќ е можеби најдобриот спортист на сите времиња. Очигледно овој новинар никогаш не се натпреварувал во некој спорт“, порача австралискиот тенисер.