Ниту Милан, ниту Јувентус – Монако го доби и второто засилување во ист ден

Француски Монако потврди на официјалната страна дека Балде Кеита и официјално потпишал договор.

Денес Монако го претстави Стеван Јоветиќ, а и истиот ден пристигна уште едно официјално засилување од Серија А.

Играчот кој се поврзуваше со Јувентус и Милан на крајот го одбра Монако со кој потпиша договор на пет години и сега веќе со сигурност може да се констатира дека Килијан Мбапе ќе ги напушти „Кнежевите“ и ќе премине во ПСЖ.

Според информациите од Франција, Кеита е платен 30 милиони евра.

„Среќен сум што стигнувам во Монако, клуб со голема историја. Се радувам на новите предизвици. Многу играчи и пријатели ми зборуваа најдобро за Монако. Веднаш прифатив кога ме повикаа да дојдам. Ова е проект кој ме привлекува“, истакна Кеита, кој иако е плад има вкупно зад себе 100 натпревари во Серија А, настапувајќи во дресот на Лацио.