![](https://sportski.mk/wp-content/uploads/2024/02/Screenshot_18-5-850x491.jpg)
Најдобриот тенисер на светот Новак Ѓоковиќ не ја крие желбата да ја израдува Србија и со златен медал на Летните олимписки игри во Париз.
Но, Србинот не е единствениот кој посакува годинава да се закити со олимписко злато, истата желба ја има и Карлос Алкараз.
Лига Нации: Се освен прво место ќе биде катастрофа за Македонија! ↓↓↓
„Ако треба да бирам, годинава повеќе би сакал да го освојам олимпиското злато отколку „Ролан Гарос“, изјави Алкараз, кој најдобро се претстави на земјена подлога, пред почетокот на турнирот во Буенос Аирес, Аргентина.
Шпанскиот ас турнирот ќе го започне во второто коло, а противник ќе му биде победникот од дуелот во кој се среќаваат Перуанецот Хуан Пабло Вираљес и Аргентинецот Камило Сарабели.
Алкараз зборуваше и за своите долгорочни амбиции:
„Ѓоковиќ и Синер моментално се главните ривали, за мене и за сите останати. Тука е Зверев, кој има позитивен скор со мене, но Ѓоковиќ и Синер се на врвот. Сè уште размислувам на 24 грен слем титули на Ѓоковиќ. Сакам да бидам амбициозен, да сонувам големи, па ќе видиме до каде ќе стигнам. Дали ќе стигнам до пет, можеби ќе останам на два, но јас неизбежно размислувам за тоа“ рече Алкараз.