Недвед и Паратичи со различни позиции за Пирло

Спортскиот директор на Јувентус, Фабио Паратичи влегол во спор со потпретседателот Павел Недвед бидејќи барал Пирло веднаш да добие отказ.

Вчера раководството на Јувентус имаше итен состанок на кој се разговараше за позицијата на Пирло, а после тоа Недвед потврди дека тренерот останува на клупата на „старата дама“.

„Газета дело Спорт“ пренесува дека Фабио Паратичи имал жолчна дискусија бидејќи сакал Пирло веднаш да добие отказ после поразот од Милан (0:3)

Недвед добил поткрепа од директорот Черубини, па претседателот Ањели донел конечна одлука Пирло да остане на клупата до крајот на сезоната.

Јувентус моментално се наоѓа на 5-та позиција и тешко дека ќе избори пласман во Лигата на шампиони.