Најава: Како ќе помине 158-то вечно дерби во Србија?

Вечерва од 19:00 часот се игра вечното дерби помеѓу Партизан и Црвена Звезда.

За разлика од претходното играно во „Хумска“, кога црно и црвено-белите пред меѓусебниот меч оебзедија нокаут фаза во Лигата на Европа, Звезда овој натпревар го дочекува во далеку подобро расположение.

Учесници се во Лигата на шампионите, додека Партизан остана само на домашното натпреварување. Од таму можеби Звезда е и фаворит, но јасно дека во овој натпревар фаворит нема.

Каква е формата?

Звезда во ова дерби влегува полна со самодоверба после ремито со вицешампионот Наполи во Лигата на шампионите. Исто така црвено-белите не изгубија ниту еден бод во претходните седум кола во првенството.

Треба да се спомене и дека имаат заостанат натпревар против Напредак во Крушевац во среда, како и гол разлика од 22:3.

Партизан на последните три натпревари славеше со резултат 1:0, а претходно изгуби од Бешикташ со 3:0 и поради тоа не успеа да се пласира во Лигата на Европа.

Црно-белите во овој момент на табелата имаат два бода помалку од Звезда, но и натпревар повеќе. Во случај на пораз на домашен терен, разликата од среда кога ќе се одигра заостанатиот натпревар би можела да изнесува и осум бодови.

Ова се и веројатните состави со кои се очекува да настапат двата клуба.

Партизан: Стојковиќ – Н.Р Милетиќ, Марковиќ, Валијанте, Н.Г Милетиќ – Косовиќ, Шчекиќ – Јанковиќ, Пантиќ, Закариќ – Рикардо.

Црвена Звезда: Борјан – Стојковиќ, Савиќ, Дегенек, Родиќ – Крстиќиќ, Чаусиќ – Бен, Марин, Кафу – Боакје.