Направија драма на трансфер пазарот, па сега го сакаат Адеми

Македонскиот фудбалер и член на хрватски Динамо Загреб би можел ова лето да ја напушти Хрватска и да се пресели во Франција.

Имено, во француските медиуми се појави вест дека интерес за Адеми покажува тимот на Бордо кој неодамна ја направи најголемата драма на трансфер пазарот при заминувањето на Малком.

Како што е добро познато тие прво се договорија со Рома за потоа да ја променат одлуката кога во „5 до 12“ добија понуда од Барселона за која подоцна и Бразилецот потпиша.

Адеми полека ја подига својата форма и не е за изненадување интересот кој владее за неговиот потпис.
Детали за висината на понудата и евентуалниот договор кој Адеми би го потпишал со Французите се уште не се откриваат.

Aдеми член на Динамо е од 2010 година кога пристигна од Шибеник.