Надал после маратон во пет сета избори полуфинале!

Рафаел Надал избори полуфинале на УС Опен после спектакуларна петчасовна борба со Доминик Тим.

Надал го преживеа еден од најтешките дуели во кариерата, па на крај забележа триумф со резултат од 0:6, 6:4, 7:5, 6:7, 7:6.

Тим фантастично влезе во мечот и првиот сет го зеде со 6-0. Меѓутоа, Надал се врати во игра. После големи борби и три брејка во самиот финиш на вториот сет, успеа да го добие со 6-4, да потоа во третиот сет направи два брејка и поведе со 2:1.

Сепак, Тим не се предаде па во четвртиот сет успеа да се врати, меѓутоа во петтиот сет на самиот крај како да снема сили и Надал стигна можеби и до најтешката победа во кариерата.

Шпанецот за влез во големото финале ќе се бори со Хуан Мартин Дел Потро, кој во четири сета го елиминираше Џон Иснер.