Мората заминува: Кој ќе стигне прв до „кралската деветка“

Шпанските медиуми пренесуваат дека Алваро Мората не е задоволен со статусот во Реал Мадрид и на крајот на сезоната ќе го напушти „Сантиаго Бернабеу“.

Мората минато лето се врати во Реал како етаблирана фудбалска ѕвезда, но не е задоволен од статусот и минутажата која ја добива во „кралскиот“ клуб.

Интерес за него покажуваат многу европски гигнати, а медиумите тврдат дека најголема битка за неговиот потпис ќе водат Арсенал, Јувентус и Челзи.

Арсен Венгер веќе подолго време е симпатизер на играта на Шпанецот и се обидуваше да го донесе и минатото лето, па е спремен да понуди 60 милиони евра за да го донесе Мората на „Емирати“.

Сепак, Французинот ќе треба да се избори со жестоката конкуренција, особено од Јувентус кој сака да го врати напаѓачот во своите редови.