Михајловиќ и Ибра приредија вистинско шоу на Сан Ремо

Гостувајќи на музичкиот фестивал Санремо, Синиша Михајловиќ зборуваше за своето долгогодишно пријателство со Златан Ибрахимовиќ.

Напаѓачот на Милан и тренерот на Болоња беа специјални гости на фестивалот, а синоќа заедно се појавија на сцената.

„Нашето пријателство започна со удар со глава.“ рече Миха, мислејќи на дуелот во текот на натпреварот помеѓу Јувентус и Интер во кој Ибра доби црвен картон.

Михајловиќ го пецна Ибра и поради фактот што никогаш не освоил Лига на шампиони.

„Љубоморен е на нешто што го нема. Лига на шампиони. Тој играше, јас победував…“

„Се уште има време.“ – одговори Ибра.

Бидејќи станува збор за музички фестивал, дуетот потоа се придружи на водителите и ја изведоа песната ‘Io Vagabondo’.

На Миха пеењето му идеше од рака, а Златан се мачеше. На прашањето дали знае кои се авторите на песната, одговори: „Не, но тие знаат кој сум јас.“

Curva dell'Ariston fatevi sentire 🙌
Gli “ABBADeus” debuttano sul palco di #Sanremo2021 con “Io vagabondo”. 😂
Ecco la clip integrale 👇 pic.twitter.com/omwmSu3SMf

— RaiPlay (@RaiPlay) March 4, 2021