Митровиќ прави хаос во Фулам, одбива да тренира

Српскиот напаѓач Александар Митровиќ сака да го напушти Фулам и одбива да тренира со тимот.

Митровиќ сака да се пресели во Саудиска Арабија, но клубот не попушта, па напаѓачот реши ситуацијата да ја преземе во свои раце.

Митровиќ е особено исфрустриран бидејќи Фулам бара 52 милиони фунти за неговата слобода, па одбил да тренира со тимот.

„Ситуацијата не е како што треба. Тој нема да игра на следниот натпревар, воопшто и не тренира со остатокот од тимот. Некогаш фудбалерите мораат да донесат такви индивидуални одлуки кои потоа имаат сериозни последици. Јас разговарав со Митровиќ, тој го знае моето мислење“, изјави тренерот Силва.