![](https://sportski.mk/wp-content/uploads/2023/03/Screenshot_15-9.jpg)
Македонската фудбалска репрезентација вечерва забележа важна победа против Малта на стартот од квалификациите за Европското првенство.
Во финишот на натпреварот селекторот Милевски заработи црвен картон, а по средбата истакна дека и него не му е јасно зошто го добил.
Лига Нации: Се освен прво место ќе биде катастрофа за Македонија! ↓↓↓
„Честитки до момците за желбата која ја покажаа, како и за тактичката дисциплина. Не ми е јасно зошто го добив црвениот картон, јас го напуштив мојот простор, а тоа е жолт картон. Главниот судија немаше проблеми, одлуката беше на четвртиот“.
Најзадоволен сум од прикажаната енергија, се повеќе наликуваме на онаа репрезентација која сакаме да бидеме. Штета, за таа самодоверба што не победивме со повеќе гола. Во првото полувреме имаше ситуации каде што требаше порано да завршуваме со шут на гол, но кога цела нација чека нешто од вас притисокот е голем, а овие момци го сакаат најдоброто за тимот и репрезентацијата.
Играта на Малта за Милевски не било изненадување.
Очекував и подобро издание од Малта, но ние не дозволивме повеќе да одиграат. Воопшто не ме изненадија, како и што кажав пред натпреварот, ова е репрезетација во подем. Со вакви репрезентации секогаш треба да бидете на високо ниво ако сакате да успеете.