Милан тргнува по ѕвездата на Арсенал

Англискиот фудбалер за врска Џек Вилшер по се изгледа дека на крајот на сезоната ќе го напушти Арсенал.

Вилшер има договор со лондонскиот клуб до крајот на сезоната, а неодамна Арсенал му достави понуда за продолжување на соработката.

Плејмејкерот на „Емирати“ заработува 120.000 фунти, но доколку сака да остане во Арсенал ќе мора да прифати значително помала плата.

Таквата ситуација сака да ја искористи Милан и да го донесе Англичанецот на „Сан Сиро“ без обештетување.

„Росонерите“ веќе стапиле во контакт со неговиот агент и доставиле понуда, па италијанските медиуми тврдат дека големи се шансите Вилшер од следната сезона да се пресели во Серија А.