Милан договори две засилувања и направи „страшна“ одбрана!

Италијанските медиуми пренесуваат дека Милан веќе договорил два трансфери за следната сезона и значително ја засилил одбраната.

Новините инвеститори се спремни да потрошат значителна сума пари за да го засилат тимот, а како приоритет беше одредена одбраната, па Милан веќе договори еден стопер и еден лев бек.

Станува збор за Сеад Колошинац од Шалке, кој оваа сезона се промовираше во еден од најдобрите леви бекови во Бундес лигата. За него интерес покажаа Челзи, Јувентус и Сити, но тој се одлучи за преселба на „Сан Сиро“ каде ќе пристигне како слободен агент.

Второто засилување е дефанзивецот на Виљареал, Матео Мусакио за кого „росонерите“ се инетресираа уште минатото лето.

Аргентинецот одби да го продолжи договорот со шпанскиот клуб и сака преселба во Милан, а двата клуба наводно го договориле трансферот за 18 милиони евра.

Другата цел на новото раководство е да ги продолжи договорите на Џиџи Донарума и Матија де Шиљо, па одбраната на Милан следната година би требало да изгледа вака:

Донарума на голот, Де Шиљо десен бек, во центарот Мусакио –Ромањоли и Колошинац како лев бек.