Милан игра одлично во последно време, а едно од најпријатните изненадувања е сигурно Давиде Калабрија.
Калабрија оваа сезона е еден од најважните играчи во тимот на Пиоли и се етаблираше во еден од најдобрите десни бекови во лигата.
Му ги броиме деновите на Тен Хаг во Манчестер! ↓↓↓
24-годишниот фудбалер, кој е продукт на школата на Милан, дури и дебитираше за италијанската репрезентација, па го привлече вниманието на многу клубови.
„Росонерите“ сакаат долгорочно да го задржат во своите редови, па му понудија нов договор, а италијанските медиуми потврдија дека двете страни се блиску до договор.
Калабрија наскоро ќе стави потпис до 2025 година и ќе добие двојно повисока плата, односно 2,2 милиони евра по сезона.