Мејведер нов сопственик на Њукасл!? – Се огласи самиот боксер!

Флојд Мејведер по повод пишувањата на медиумите дека би можел да вложува во фудбалот се огласи во медиумите.

Според информациите на таблоидот „The Daily Star Sunday“, Meјведер е заинтересиран да го купи премиерлигашот Њукасл кој е ставен продажба од страна сопственикот Мајкл Ешли.

Сепак, Мејвдер сега во медиумите на некој начин и ги демантираше гласините.

„Го сакам Њукасл. Запознав некои играчи минатата година и сите се супер момци. Секогаш сум отворен за нови бизниси, покрај тоа го сакам спортот, но јас вложувам со глава, а не со срце“, изјави Мејвдер.

Потоа и ја објасни ситуацијата.

„Доколку вложувате со срце тоа е најбрзиот начин да изгубите пари. Но, доколку се изложи добар бизнис план, моите луѓе го проверат и ми кажат „гледај Флојд од ова можеш да профитираш“, тогаш би вложил. Фудбалот можеби не е моја игра, но имам контакти низ целиот свет“, објасни познатиот боксер.

Мејвердер потоа се пошегува дека долго се познава со Кристиано Роналдо и дека би можел да го доведе во Њукасл.