Меси: Постојат моменти кога сакам да не сум познат

Лионел Меси е еден од најдобрите фудбалери во историјата. Аргентинецот ги одбележа последните 15 години од светскиот фудбал.

Меси постојано е во центарот на вниманието, а минатото лето особено поради шпекулациите за можно заминување од Барселона.

На Аргентинецот не му е лесно да се бори со големиот притисок во Каталонија, а призна дека некогаш посакува да не биде познат и да ужива во нормални работи.

„Вистина е дека имам голем број привилегии во животот. Сепак, постојат моменти кога би сакал да не сум познат и да можам да уживам во обините работи како што е пазарување во маркет, кино, ресторан…“, вели Меси.