Меси од ПСЖ ќе добива милион евра во криптовалути

Лионел Меси летово потпиша за ПСЖ и тоа беше најголемо изненадување во светот на фудбалот бидејќи сите очекуваа да го продолжи договорот со Барселона, која поради големи финансиски проблеми не можеше да го направи тоа.

Аргентинецот пристигна во ПСЖ како слободен играч и потпиша договор на две плус една година за кои ќе добие неверојатни 110 милиони евра.

Меси ќе добие 30 милиони евра за првата сезона, по што ќе добие 30 плус 10 за бонуси во следните две години, а тоа што е ново е дека Аргентинецот ќе добива милион евра во криптовалути.