МЕГА СКАНДАЛ во тенисот: Долгополов ја направил најголемата измама во историјата на тенисот!?

Тенискиот свет е во шок поради скандалот во кој главен актер е тенисерот Александар Долгополов.

Украинецот кој денес е 63 тенисер во светот, а до неодамна и 13, во првото коло турнирот Винтон Салем играше против 115 тенисер во светот, Бразилецот Тиаго Монтеиро и беше апсолутен фаворит.

Меѓутоа, непосредно пред почетокот на натпреварот се случуваа невобичаени работи во обложувалниците. Неколку часа пред почетокот на натпреварот коефицентот за победа на Долгополов против Монтеиро беше 1..25, а за победа на Бразилецот дури 4. Но само десет минути пред почетокот, Долгополов доби 4, а Монтеиро 1.25.

Веднаш се проширија гласини дека тој натпревар наместен, во поголемиот број европски обложувалници овој меч беше и блокиран.

За жал, оние кои се соменваа во измама беа и во право. Во целиот натпревар Долгополов не доби ниту една брејк топка. Тоа во последните две сезони му се случи само два пати и тоа кога играше против Роже Федерер.

Покрај тоа Украинецот во текот на целиот меч изгледаше отсутно и правеше грешки кои се својствени за аматер. Гледачите беа шокирани, не можеа да веруваат дека присуствуваат на, како што многумина истакнуваа најочигледната измама во светот на тенисот.

Шокиран беше и Монтеиро кој се чудеше на грешките на Долгополов. Бразилецот на крајот го доби мечот со 6:3, 6:3, после 55 минути тениска трагикомедија.