Мбапе најскап фудбалер во светот, Роналдо не е во Топ 10

Познатиот портал „Трансфермаркет“ традиционално прави листа на најскапите фудбалери на светот, а на врвот на листата во моментов е младата ѕвезда на ПСЖ, Килијан Мбапе.

Лионел Меси кој важи за еден од најдобрите фудбалери на сите времиња се најде на 8-та позиција, додека Роналдо го нема ни во Топ 10.

Според параметрите на „Трансфермаркет“ Мбапе е највредниот фудбалер на светот и со само 21 година вреди 200 милиони евра.

После него следуваат Рахим Стерлинг и Нејмар со вредност од 160 милиони евра, а потоа следува група од четворица фудбалери кои се проценети на 150 милиони евра (Салах, Мане, Хари Кејн и Де Брујн).

Лионел Меси се наоѓа на 8-та позиција со пазарна вредност во моментов од 140 милиони евра.