Мата порачува: Дојде време да бидеме оптимистични

Фудбалерот на Манчестер Јунајтед Хуан Мата порача дека со доаѓањето на Оле Гунар Солскјер време е за оптимизам во клубот.

Манчестер Јунајтед до крајот на сезоната ќе биде предводен од поранешниот играч на овој клуб Оле Гунар Солскјер, кој во саботата дебитираше со победа против Кардиф од 5:1.

„Легендарниот Оле Гунар Солскјер е наш нов тренер и не можевме подобро за започнеме. Тоа беше убедлива победа против Кардиф и мотивот ќе се подигне до крајот на годината. Време за оптимизам, да гледаме напред и напорно да работиме за да го поравиме пласманот на позицијата. Нашите навивачи заслужуваат да играме подобро“, изјави Мата.

Манчестер Јунајтед утре на „Боксинг деј“ ќе го пречека Хадерсфилд.

„Тој датум ме потсетува на првите месеци поминати во Премиер лигата, пред седум години, а тие денови за мене станаа најдобри во годината. Многу семејства се на трибините и се надеваме дека празничната атмосфера ќе придонесе за добар фудбал. Тоа е посебен ден за англискиот фудбал“, изјави шпанскиот фудбалер.