Марселињо го продолжи договорот со Валенсија

Објавено на 17:33, 18 јули

Актуелниот тренер на Валенсија, Марселињо Гарсија Торал ја продолжи соработката со „лилјаците“ со 30-ти јуни 2020 година, потврди денес клубот од „Местаља“.

52-годишниот стратег седна на кормилото на Валенсија минатото лето и под негово раководство „лилјаците“ завршија на 4-то место во Примера, со што се квалификуваа за Лигата на шампиони.

Раководството на шпанскиот клуб е задоволно од неговата работа, па веднаш му понуди нов, финансиски подобар договор, кој Марселињо го потпиша денес.