Лука Јовиќ изненади, ќе игра во Мексико

Српскиот напаѓач Лука Јовиќ ќе ја продолжи својата кариера во Крус Асул, тврди шпанскиот весник “Марка”.

Јовиќ се договорил со мексиканскиот клуб за основна плата од 5 милиони евра годишно, плус бонуси за постигнати голови и дополнителна премија од 4,3 милиони евра.

27-годишниот фудбалер веќе официјално се раздели со неговиот поранешен тим Милан и може да потпише со друг клуб како слободен агент. Тој играл и за Црвена звезда, Бенфика, Ајнтрахт Франкфурт, Реал Мадрид и Фиорентина.