Марио Гомез после 10 години се врати таму од каде што почна!

Германскиот напаѓач Марио Гомез после цели 10 години и промена на неколку клубови реши да се врати „дома“, онаму каде што ја започна кариерата.

Имено, Марио Гомез денес го напушти Волфсбург и се врати во својот Штутгард за 3,5 милиони евра, каде потпиша договор до 2020 година.

„Среќен сум што повторно сум дома, каде што се започна. Сите знаат колку сакав да се вратам во Штутгард, клуб кој ме лансираше на големата сцена и каде го доживеав најлудиот период во кариерата, освојување на титулата во 2007 година. Штутгард ме направи тоа што сум“, изјави Гомез.

Гомез настапуваше за Штутгард од 2003 до 2009 година, а потоа се пресели во Баерн Минхен, па Фиорентина, Бешикташ и Волфсбург.