Ловрен: Секој натпревар е како финале

Дефанзивецот на Ливерпул, Дејан Ловрен изјави дека неговиот тим ја научи лекцијата од минатата сезона и дека се надева дека тоа ќе им значи за борбата за титулата.

„Црвените“ убедливо славеа против Њукасл 4:0 во средата, благодарение на тоа што ја зголемија својата предност на чело на табелата со шест бода во однос на Тотенхем. Бранителот на титулата, Манчестер Сити е само на бод помалку од лондонскиот клуб.

Ловрен со одличен гол го доведе Ливерпул во предност во 11. минута, а до следниот гол се чекаше до 47. минута, кога Салах погоди од пенал. До крајот на натпреварот, мрежата ја затресоја Шаќири и Фабињо.

„Секој натпревар за нас е како финале. Тоа е она што го научивме од претходната сезона – ништо не вреди ако победите, а следниот натпревар одиграте лошо. Мораме да го заборавиме овој натпревар и да се концентрираме на Арсенал. Овој тим има карактер, а доколку сакате да бидете на врвот, морате да имате победнички менталитет и да бидете смирени“, изјави Ловрен.

Следните два натпреари ќе бидат голем предизвик за играчите на Јирген Клоп, прво во сабота го пречекуваат Арсенал, а следниот четврток му гостуваат на Манчестер Сити. Ливерпул по 19 кола е на врвот на табелата во Премиер лигата со 51 бод, следуваат Тотенхем со 45 и Сити со 44, додека Челзи е четврти со 40 бода.