ЛИГА НА ШАМПИОНИ: Најава и анализа за вечерашните натпревари

Денес продолжуваат возбудувањата во фудбалската Лига на Шампиони. Вистинските дерби дуели од второто коло ќе се одиграат во утре, но и во денес има неколку интересни дуели. 

ГРУПА Ф

Сити нема простор за уште еден кикс, по изненадувачкиот пораз во првото коло на домашен терен од Лион со 1:2. Впрочем тој е и единствениот пораз на Сити оваа сезона. Но, поразот за Пеп и неговите фудбалери дојде во добро време, за да ги освести од сонот и да им докаже дека мора да даваат 100% на секој меч доколку сакаат да победуваат. Нема да имаат лесна задача во Германија, бидејќи Хофенхајм во Украина против Шајхтор докажа дека има големи амбиции сезонава играјќи 2:2. Во Бундеслигата тимот игра под очекувањата, но сега на гости им доаѓа гигант и ќе бидат крајно мотивирани за да не останат непоразени.

Лион изненади многумина со победата во Манчестер кај Сити, но и покрај тоа прашање е колку оваа екипа може да повтори еден таков меч. Букмејкерите им ја препуштија фаворитската улога на нив на овој меч со Шајхтор, но украинците имаат одличен тим. Сепак, можеби проблем за Шајхтор ќе биде гостинскиот терен, бидејќи оваа екипа важи пред се за домашна екипа. Украинскиот тим во овој меч влегува по убедливата победа од 1:6 против Карпати во домашната лига, а пак Лион одигра само 1:1 со Нант. Но, тоа не би требало да значи премногу на овој меч во кои играат две офанзивни екипи.

ГРУПА Х

Се знае кој е кој на овој дуел и не треба да се трошат премногу зборови за овој меч. Јуве ќе игра голема улога и оваа сезона во Лигата на Шампиони, а сака да го обезбеди пласманот во следната рунда пред гостиот распоред во Серија А. Тоа значи дека нема да препушти ништо на случајноста и ќе тргне во напад. Јанг Бојс е аутсајдер во групата, загуби со 0:3 од Јунајтед во првото коло и секој бод ќе биде успех за оваа екипа, во оваа група.

Ова е можеби најтешкиот меч за обложување од сите дуели кои на програмата се во вторник. После сите случувања во таборот на Манчестер Јунајтед, во тимот владее хаос и јасно е дека доколку не дојде до драстични промени за брзо време, тимот ќе продолжи да тоне. Се шпекулира постојано со оставка на Жозе Мурињо, но тој се чини дека не се предава лесно. Сепак, од друга страна се соочува со тивок бојкот од дел од своите фудбалери, а тоа се рефлектира врз резултатите кои се многу лоши оваа сезона. Валенсија пак одигра одличен меч со Јувентус, го надигра во секоја смисла на зборот но загуби. Доколку ја повтори таа игра, оваа екипа тешко дека ќе загуби и од Јунајтед.

ГРУПА Е

Ова е дуел на две екипи кои стартуваа со порази во Лигата на Шампиони, не постигнаа гол, а примија 3 односно 2 гола. Квалитетот е на страната на Бенфика, која е фаворит на овој дуелж, но тешко е да се слави победа против АЕК во Атина. Многу поголеми екипи од Бенфика се мачеле на Олимпискиот стадион, а ќе се мачи и Бенфика.

Баерн Минхен е голем фаворит за победа на овој меч. Шансите за изненадување на Ајакс се многу мали, речиси и да ги нема. Не дека Ајакс нема тим кадарен за такво нешто, но Баерн ретко греши во оваа фаза од натпреварувањето. Славеше на гости кај Бенфика и таа победа тежи многу повеќе од победата на Ајакс против АЕК. Сепак, Ајакс не е екипа која знае да се брани и можеби тоа е голелмиот проблем на овој тим во европски рамки. Од друга страна, тоа е гаранција дека ќе гледаме доста голови во Минхен.

ГРУПА Г

Рома е фаворит на овој дуел, но не толку голем како што најавува коефициентот за домашна победа. Домаќинот веројатно ќе ги освои трите бода, особено по победата во градското вечно дерби против Лацио и поради одличната атмосфера по тој меч, но потешко од очекувањата. Плзен е екипа составена од домашни фудбалери, а главна алка на тимот е напаѓачот Крменчик за кого се заинтересирани екипи од најдобрите европски фудбалски лиги. Освен тоа, Плзен важи за тим кој секогаш игра добро кога е аутсајдер. Тоа се покажа и во првото коло кога оваа екипа дома одигра 2:2 против ЦСКА Москва.

Реал Мадрид имаше среќа при жребот што ќе игра во Русија во овој дел од годината, кога во Москва времето е погодно за фудбал. Сега ЦСКА нема на своја страна да ги има минусните температури. И покрај тоа тешко е да се игра во Русија, но квалитетот е пресуден за фаворитската улога овој пат. Реал своите амбиции сезонава ги истакна уште во првото коло кога ја декласираше Рома со 3:0 и нема да застане тука.

На професионалниот сајт за спортско обложување Кладење.мк можете да пронајдете и предлог типови од луѓе кои си ја знаат работат. (ТУКА)