Ливерпул – Интер: На Италијанците им треба „чудо“ на Енфилд

Со комотна предност од 2:0 од првиот натпревар, Ливерпул го пречекува Интер на Енфилд во реваншот од осминафиналето во Лигата на шампионите во вторник навечер.

Тимот на Јирген Клоп славеше со головите на Роберто Фирмино и Мохамед Салах во Италија, па носителите на Скудетото се соочуваат со тешка битка да ги одржат своите соништа за континентална слава.

Ливерпул во неверојатна форма

Со оглед на тоа што Сан Сиро не е истиот страшен терен како некогаш за англиските клубови, Ливерпул секако беше фаворит пред првиот меч. Но головите дојдоа на крајот од мечот, прво преку Фирмино во 75-та минута, па преку Салах во 83-та минута. По совршениот рекорд во групната фаза од шест победи на шест меча, тимот на Клоп стигна до седум победи по ред во европската елита сезонава.

Откако веќе го сместија трофејот од ЕФЛ-купот во својот трофеен кабинет и успешно го резервираа билетот за четврт-финалето на ФА Купот, четворократниот трофеен сон за сезонава е секако голема мотивација за тимот од Енфилд.

Во моментов Клоп и компанија се во неверојатен залет и доколку ритамот продолжи во ова темпто, тогаш јасно е дека Ливерпул ќе има големи шанси за трофеи до крајот на сезоната.

Победата над „чеканите“ во текот на викендот ја означи 12-та победа по ред во сите натпреварувања, кои со евентуална победа над Интер ќе станат првиот англиски тим кој некогаш ги победил првите осум натпревари во една сезона во Лигата на шампионите.

Интер ќе нападне

Нема друга формула освен офанзива и голови за Интер на Симоне Инзаги ако сака да има шанса да се пласира во следната рунда. За среќа на шефот на Нероаѕурите, неговите напаѓачи имаа одличен викенд во победата од 5:0 над Салернитана.

Откако не успеа да постигне гол во Серија А од Декември, Лаутаро Мартинез се врати на головите на неверојатен начин со хет-трик за водство од 3:0, пред Един Џеко да постигне уште два гола за конечна победа од 5:0.

Од сезоната 2010-11 Интер не успеа да стигне до осминафиналето во Лигата на шампионите. Тешко дека тоа ќе може да се исправи сезонава, особено ако се знае дека само еден тим во историјата на Лигата на шампионите некогаш се вратил од негатива од два гола по првиот меч на домашен терен. Тоа се случи кога Манчестер Јунајтед славеше против ПСЖ во сезоната 2018-19 година.

Нема сомнеж дека Инзаги и Интер се пред речиси невозможна мисија, но исто така нема сомнеж дека Ливерпул нема д аима лесна задача и ќе мора да одигра на многу повисоко ниво отколку во Италија, за да ја зачува предноста.