Лејкерси и после трет натпревар без победа, Лилард блесна со 41 поен

Лејкерси и после три натпревари во новата сезона не знаат за победа, откако изминатата вечер беа поразени од Портланд со 106:104.

Беше Лејкерси на добар пат да дојде до првото славје, во последните седум минути влегоа со седум поени предност, но гостите тогаш имаа фантастичен кам-бек и со пресврт стигнаа до триумф за „три од три“.

Лилард блескаше со 41 поен, поддршка му беше Грент кој постигна 16, вклучувајќи го и последниот кош за победа. Тандемот Леброн – Дејвис на спротивната страна искомбинира 54 поени.

Вориорси славеа победа со Сакраменто од 130:125. Домаќините одиграа неверојатно прво полувреме во кое постигнаа 89 поени, па така иако во второто нешто подзастанаа сепак и така стигнаа до победата. Најефикасен беше Кари со 33 поени, додека на другата страна најрасположен беше Фокс со 26 поени.

НБА РЕЗУЛТАТИ: Лејкерс – Блејзерс 104:106. Хокс – Хорнетс 109:126. Кавалирс – Визардс 117:107 прод.. Пеликанс – Џез 121:122 прод, Тандер – Тимбервулвс 106:116, Вориорс – Кингс 130:125, Клиперс – Санс 95:112