Летното засилување на Клоп се повреди против Наполи: Колку ќе паузира?

Во вчерашниот натпревар против Наполи во Лигата на шампионите, Ливерпул го забележа првиот пораз во новата сезона.

Тимот на Клоп беше комплетно надигран и Наполи сосема заслужено ги освои трите бода, иако до нив стигна до голот на Лоренцо Инсиње во последните минути од натпреварот.

После средбата Клоп кој секако беше разочаран од резултатот мораше да зборува и за повредата на фудбалерот кој ова лето пристигна во Ливерпул, Наби Кеита.

Кеита беше дел од стартниот тим на „црвените“, но средбата мораше да ја заврши уште 19-тата минута, поради повреда. На прес-конференцијата Клоп откри дека станува збор за повреда на грбот и дека се уште ги чека првите информации за сериозноста на истата.

„Кеита го повреди грбот, барем засега добив такви индормации. Не можам точно да кажам за што се работи и колку ќе паузира, мораме да почекаме да видиме што ќе кажат резултатите“, изјави Клоп.

Ливерпул, после овој пораз во Лигата на шампионите има учинок од една победа и еден пораз..

https://www.youtube.com/watch?v=xprc_SK7um4