„Левонога“ револуција во Манчестер!

Што ви паѓа на памет кога во прашање е преодниот рок на Манчестер Јунајтед?

Во овој момент Јунајтед најмногу проблеми има по страничните позиции, а левата страна е посебно проблематична бидејќи Мурињо не е задоволен со ниту една опција на тој дел од теренот.

Кога ќе ја погледнете неговата листа на желби, можеби звучи неверојатно, но на листата има исклучиво фудбалери кои се подобри со левата нога.

Да започнеме по ред, Герет Бејл е првата желба, него Мурињо може да го користи во скоро секоја формација, а се зборува и дека трансферот на Месут Озил е завршена работа. Иако го сака Барселона, Германецот наводно се договорил со Мурињо со кого соработуваше во Реал и на „Олд Трафорд“ би требало да пристигне како слободен фудбалер.

Покрај овие двајца Мурињо го сака и Дени Роуз, левиот бек на Тотенхем кој е во конфликт со Покетино и клубот, па шансите да го напушти „Вајт Харт Лејн“ се големи.

И на крајот, доколку Јунајтед се согласи да ја плати клазулата од 100 милиони евра за Антоан Гризман кој исто така повеќе ја користи левата нога, јасно е дека ова ќе биде револуција во клубот.

Во овој момент во Јунајтед фудбалери кои се подобри со левата нога се Матиќ, Блинд, Шо, Рохо, Мата, додека Погба, Ибрахимовиќ, па и Микхтаријан подеднакво добро се служат и со двете нозе.