Лапорта: Одлучено е! Правиме статуа на Меси

Шпанскиот фудбалски клуб Барселона донесе одлука да направи статуа за својот поранешен играч Лионел Меси.

Ова денес го потврди претседателот на Барселона, Жоан Лапорта за шпанските медиуми.

„Ќе изградиме статуа на Лео Меси пред стадионот Камп Ноу. Одлуката е веќе донесена“, изјави Лапорта.

Меси играше за Барселона од 2003 до 2021 година и се запиша во историјата освојуваќи се што можеше да се освои.

Меси е рекордер во Барселона по најмногу постигнати голови (672), асистенции (303), одиграни натпревари (778) и е најдобар голегетер во шпанското првенство со 474 голови.

Минатото лето Меси ја напушти Барселона како слободен агент откако клубот не можеже да го регистрира во лигата неговиот богат договор.

Аргентинецот е најважната фигура во поновата историја на Барселона, па клубот ќе му направи статуа.