Куман: Ќе беше подобро ако Суарез потпишеше за Јувентус

Тренерот на Барселона, Роналд Куман го коментираше решението на клубот да се ослободи од напаѓачот Луис Суарез.

Суарез се пресели во Атлетико Мадрид, каде блеска и со „јорганџиите“ е лидер на табелата во Премера.

„Ќе беше подобро ако Суарез се преселеше во Јувентус наместо во Атлетико. Но, тоа беше одлука која моравме да ја донесеме. Навистина беше тешко, но покажавме респект кон играчот. Јас продолжувам да се согласувам со тоа дека направивме вистинска одлука“, истакна Куман.

„Сите во клубот знаат дека сме во преоден период и не ме притискаат за титули. Се разбира дека ќе се бориме за трофеи, но не може да се очекува дека сигурно ќе ја освоиме Лигата на шампиони“, додаде Холанѓанецот.