Кој е човекот кој денес најавил ново „Калчополи“?

Денес во Италија се појави т.н голем скандал, Џузепе Пекораро екс обвинителот ја разбрануваше јавноста со изјавата за Јувентус.

„Ги баравме аудио дијалозите меѓу ВАР и судијата Орсато, но материјалите ги добивме дури на почетокот од следната сезона. Кога ја отворивме датотеката, се беше таму, освен единствената работа што ни беше важна – разговорите кои доведоа до тоа Пјаниќ да остане на теренот. Причина? Ми рекоа дека го немаат тој дел“, гласеше изјавата на Пекораро.

Станува збор за натпреварот помеѓу Интер и Јувентус во 2018 година.

Меѓутоа кој е всушност Џузепе Пекораро? Дали некои од медиумите проверија кој е човекот, кој го обвинува клубот кој домира во Италија веќе долги години?

Пекораро во 2017 година го обвинуваше Андреа Ањели, претседателот на Јувентус за нелегално работење и продажба на билетите. Во тоа време беше јавен обвинител во ФИГЦ. Тие обвинувања подоцна се покажаа како неосновани. Освен тоа и покрај неговите обвинувања Ањели во тоа време стана претседтел на Европската Асоцијација на клубовите, функција на која е и денес.

Она што го бараше Пекораро беше – парична казна од 50.000 евра за Ањели и два натпревари Јувентус да игра пред празни трибини. И од едното и од другото немаше ништо.

Да споменеме дека Пекораро е и човек близок до Силвио Берлускони, во негово време држеше разни позиции додека беше во политиката.

И сега изјавата на овој човек се зима како скандал огромни разговори како да е се готово и пресудено? Да, така е секогаш кога е Јувентус во прашање веројатно и ќе биде понатаму.

Пишува: Стефан Дасклов