Коронавирусот нема да го пензионира: Буфон става нов потпис и ќе брани до 43!

Во време кога нема фудбал убави вести ни пристигнуваат од Италија.

Џанлуиџи Буфон после една година во ПСЖ се врати во својот сакан Јувентус. Шчесни остана прв избор во Торино, но искусниот Италијанец немаше проблем со тоа, а до прекинот на сезоната запиша 11 настапи.

Се доби впечаток дека коронавирусот би можел да ја заврши неговата импресивна кариера бидејќи под голем знак прашалник е продолжувањето на Серија А.

Сепак, како што пренесуваат италијанските медиуми, Буфон нема намера да застане и за него е спремен нов договор. Според информациите од Италија, Буфон би требало да стави потпис на нов договор до летото 2021 година што значи дека по истекот на тој договр ќе има 43 години.

Еден од главните мотиви на Буфон за да продолжи веројатно е трофејот во Лигата на шампионите кој му недостасува во неговата колекција.