Конте се засилува со „џокерот“ на Клоп

Напаѓачот на Ливерпул, Дивок Ориги најверојатно ќе го напушти клубот во зимскиот преоден рок, пренесуваат англиските медиуми.

25-годишниот напаѓач не добива голема минутажа кај Јирген Клоп, па тоа е причината поради која сака да ја промени средината.

Оваа сезона Ориги настапи на три натпревари за Ливерпул во сите конкуренции, на кои постигна 1 гол и запиша 1 асистенција.

Интерес за него покажуваат неколку клубови од Премиер лигата, но и милански Интер. Конте смета дека Ориги би бил идеална замена за Ромелу Лукаку и сака да го донесе во својот тим.

Лукаку и Ориги се во одлични односи и одлично соработуваат во белгиската репрезентација, па тоа може да биде клучно за трансферот.