Конте се договори со Наполи

Антонио Конте е на чекор од преземање на кормилото на Наполи, пренесуваат италијанските медиуми.

Трофејниот тренер е без ангажман, а вчера постигнал комплетен договор со челниците на Наполи за двегодишна соработка.

Конте ги намалил барањата и тоа му одговара на Де Лаурентис, кој откако доби негативен одговор од тренерот на Аталанта, Џан Пјеро Гасперини, повторно седна на преговарачка маса со Конте.

Конте ќе има моќ за одлучување и околу трансферите,а негова најголема желба е Ромелу Лукаку, кој оваа сезона ја помина на позајмица во Рома.