„Комити“ со отчет до јавноста: За Вардар се собрани три милиони денари!

Навивачката група на Вардар „Комити“ пред повеќе од еден месец започна акција со продажба на виртуелни билети со цел да му помогне на Вардар во тешката ситуација.

Акцијата наречена „Купи билет за спас на Вардар“ се покажа како фантастичен потег на навивачите затоа што целиот стадион беше распродаден.

Денес тие дадоа отчет пред јавноста и соопштиа дека се продале вкупно 33.381 билет што е рекорд кога станува збор за еден спортски настан во нашата држава, а собрани беа 3.338.100 денари.