Клоп ги коментираше новите засилувања: Ќе им треба време!

Ливерпул беше активен на трансфер пазарот и во последниот ден донесе две засилувања на „Енфилд“.

Клоп има проблем со повредени играчи во одбраната, па беше во потрага по дефанзивец, а во последниот ден од преодниот рок пристигнаа двајца стопери.

Пристигнаа Озан Кабак од Шалке и Бен Дејвис од Престон, но Клоп смета дека ќе им биде потребно време да се навикнат на новата средина.

„Не живееме во идеален свет и треба да дејствуваме умно. Нема потреба да гледаме холивудски филмови каде еден ден си во Престон, а другиот ден во Ливерпул. Ќе им биде потребно време да се прилагодат во Ливерпул, не сметам дека веднаш треба да играат двајцата“, изјави Клоп.