Кејн спремен да се пресели на „Олд Трафорд“ заедно со Покетино

Приоритет на Манчестер Јунајтед во летниот преоден рок ќе биде доведување на врвен централен напаѓач, пренесуваат медиумите на Островот.

Едисон Кавани на лето ќе го напушти клубот, Марсијал најверојатно ќе биде продаден кога ќе му заврши позајмицата, а клубот повеќе не смета на Мејсон Гринвуд.

Поради тоа клубот сака да донесе врвен напаѓач, а најголема желба е Хари Кејн од Тотенхем.

Не е тајна дека Маурисио Покетино од лето може да седне на клупата на „црвените ѓаволи“, а тој ќе инсистира да биде доведен Хари Кејн на „Олд Трафорд“.

Двајцата имаа одлична соработка во Тотенхем и Кејн е спремен да се пресели во Манчестер Јунајтед за повторно да работи со Аргентинецот.

Хари Кејн минатото лето беше пред трансфер во Сити за 150 милиони евра, но во последен моменто тој трансфер беше стопиран  од Даниел Леви.

Останува да видиме дали „црвените ѓаволи“ ќе успеат да го убедат Тотенхем да ја пушти својата ѕвезда.

🚨 Harry Kane is open to reuniting with Mauricio Pochettino amid reports that the PSG manager would target him if he becomes Manchester United boss.

(Source: Daily Mirror) pic.twitter.com/xGBAA5KYWZ

— Transfer News Live (@DeadlineDayLive) February 16, 2022