Поранешниот капитен на Ливерпул Џејми Карагер го советува клубот во јануари да не штеди пари и да купи дефанзивец за да го надополни отсуството на Вирџил Ван Дајк.
Холанѓанецот доживеа тешка повреда на коленото во саботата против Евертон и според првите проценки после операцијата ќе го чека 7-8 месеци рехабилитација што значи дека ќе го пропушти поголемиот дел од сезоната, ако не и цела сезона.
Како екраните влијаат на детскиот развој? Разговор со дефектолог
Тоа значи дека Ливерпул мора под итно да размисли за нов централен дефанзивец, така смета и Карагер.
„Следното големо засилување за Ливерпул секако дека треба да биде стопер. Зборував дека треба да купат стопер на лето, а сега кажувам дека мораат да го доведат во јануари. Дејан Ловрен замина и не го заменија, така останаа само три централни дефанзивеци. Сега тешко се повреди Ван Дајк и останаа само двајца, еден од нив е само Жоел Матип, секогаш е повреден. Сега под знак прашалник е и Џо Гомез. Значи нема сомневање дека мораат да купат еден голем играч за таа позиција. Дајот Упамекано од Лајпциг би можел да биде идеален“, изјави Карагер.
Учество во игри на среќа е дозволено за лица со 18+ години. Играј одговорно!