Како поинаку: Иниеста својата сопруга ја импресионирал со – топка!

Eден од најдобрите играчи кои Барселона некогаш ги имала, Андрес Иниеста, денес игра во Јапонија и малку се оддалечи од очите на фудбалската јавност.

Тешко е да се заборави Иниеста, човекот кој во Барселона пишуваше историја од 2002 до 2018 година, но на 34 години сметаше дека нема што подобро даде, па замина во Јапонија каде што потпиша за Кобе.

Во Јапонија продолжи да воодушевува со својата фудбалска магија, а сега за новинарите откри како како ја запознал неговата сопруга Ана пред 11 години.

„Излегов со пријателот и таа случајно работеше како келнерка во локалот во кој седевме. Го фатив нејзиниот поглед и потоа тргнав во лов. Ми се допадна, а потоа користев некои трикови за да ја импресионирам и тоа го направив со топка, „падна“ на тоаа“, раскажува Иниеста.

Тогаш неговата сопруга се потсети дека набрзо добила порака од Иниеста.

„Здраво, јас сум Андрес, се сретнавме пред некој ден…“, гласела првата порака на Шпанецот.

Набрзо пота почнале да се забавуваат, а Иниеста знаел да и испрати исериозни меилови кои на почетокот биле изгледале навистина сериозни како во смисла: „Дали си спремна да бидеш моја сопруга“?